Instagram login

 Telangana SSC Results: విద్యార్థులారా సిద్ధంగా ఉండండి.. పదో తరగతి ఫలితాలు ఎప్పుడంటే..

Telangana 10th Class Exams Results: తెలంగాణలో పదో తరగతి ఫలితాలు రద్దయిన విషయం తెలిసిందే. గత ఏడాది లాగే ఈసారి కూడా ఫార్మేటివ్ అసెస్‌మెంట్ ఆధారంగా గ్రేడ్‌లు కేటాయించనున్నారు. ఈ నేపథ్యంలో ఫలితాలు ఎప్పుడొస్తాయా? అని విద్యార్థులు ఎదురుచూస్తున్నారు. ఐతే టెన్త్ ఎగ్జామ్స్ రిజల్ట్స్‌కు సంబంధించి అంతా సిద్ధమయింది. గ్రేడింగ్ ప్రాసెస్‌ను తెలంగాణ విద్యాశాఖ ఇప్పటికే పూర్తి చేసింది.

• 

ఫార్మేటివ్ అసెస్ మెంట్ (FA-1) ఆధారంగా మార్కుల జాబితాను ప్రభుత్వ పరీక్ష విభాగం సిద్ధం చేసింది. విద్యాశాఖ ఆమోదం కోసం ఫైల్‌ను పంపించారు. ఈ నేపథ్యంలో మరో రెండు మూడు రోజుల్లోనే పదో తరగతి పరీక్షల ఫలితాలు విడుదలయ్యే అవకాశముంది. 

వాస్తవానికి గత వారమే గ్రేడింగ్ ప్రాసెస్ పూర్తి చేయాలనుకున్నారు. కానీ వరుస సెలవులతో కాస్త ఆలస్యమయింది. ప్రస్తుతం అంతా పూర్తయింది. విద్యాశాఖ నుంచి ఆమోదం వచ్చిన వెంటనే ఫలితాలను ప్రకటిస్తారు. 

కరోనా నేపథ్యంలో వరుసగా రెండో ఏడాది పదో తరగతి పరీక్షలు రద్దయ్యాయి. ఈసారి 5,21,398 మంది పరీక్ష ఫీజును చెల్లించారు. వీరిలో దాదాపు 2 లక్షల మంది 10కి 10 జీఏపీ పాయింట్లతో ఉత్తీర్ణులయ్యే అవకాశముంది. 

ఐతే గత ఏడాది నాలుగు ఎఫ్ఏ పరీక్షల ఆధారంగా టెన్త్ ఫలితాలు ప్రకటించారు. కానీ ఈసారి ఒక్క ఎఫ్ఏ ఆధారంగానే వార్షిక పరీక్షల మార్కులు కేటాయించనున్నారు. (ప్రతీకాత్మక చిత్రం)

పరీక్షలు లేకున్నప్పటికీ విద్యార్థులకు హాల్ టికెట్ కేటాయించారు. మార్కుల మెమోలో కూడా హాల్ టికెట్ నెంబర్‌ను పొందు పరుస్తారు. ఫలితాలు ప్రకటించిన నెల రోజుల లోపే మెమోలు కూడా విడుదల చేయనున్నట్లు తెలిసింది.